​Qeveria jep 25 mijë euro për familjen e Agon Musliut

Qeveria e Kosovës në mbledhjen e sotme ka dhënë 25 mijë euro për familjen e Agon Musliut, të riut që humbi jetën në Qendrën e Studentëve sa ishte në karantinë.

Agon Musliu humbi jetën më 3 maj pasi u hodh nga kati i pestë i konviktit numër 7 te Qendra e Studentëve.

Musliu për fat të keq nuk arriti t’u mbijetonte plagëve të marra dhe ndërroi jetë me të arritur në Qendrën Emergjente, pavarësisht që mjekët kujdestarë tentuan ta mbanin në jetë përmes reaminacionit.

Agon Musliu ishte fëmija i vetëm i familjes e lidhur me vdekjen e tij ngushëllime shprehën shumë udhëheqës institucionesh, familjarë e qytetarë të vendit që padyshim me shumë dhimbje pranuan lajmin për vdekjen e tij.