​Zemaj: S’është e vërtetë që Haradinaj ka marrë pjesë në Betejën e Loxhës

    Deputeti i Kuvendit të Kosovës nga radhët e Lidhjes Demokratike të Kosovës, Armend Zemaj, ka folur për Betejën e Loxhës.

    Zemaj ka thënë në emisionin “DPT Te Fidani”, në televizionin T7, se kryeministri i vendit, Ramush Haradinaj, si ish-komandant i Ushtrisë Çlirimtare të Kosovës, nuk ka marrë pjesë në këtë betejë.

    Zemaj ka hedhur poshtë pohimet e Haradinajt për pjesëmarrjen e tij në luftimet me forcat serbe në Loxhë.

    “Haradinaj nuk ka marrë pjesë në betejën e Loxhës”, është shprehur Zemaj.

    Deputeti i LDK’së ka thënë se Haradinaj mund të ketë shkuar atje pasi forcat serbe janë dëbuar nga Loxha.

    Lexo edhe:  Burdushi në gjykatë: Të marteve dhe të premteve mos më ngucni