Falet gjaku i dymbëdhjetë vjeçares që u godit për vdekje nga traktori

    Familja Vuniqi e ka falur gjakun Familjes Nishori nga Vërshevci i Komunës së Lipjanit. Ditën e djeshme në fshatin Vërshevc të Komunës së Lipjanit një vajzë e moshës 12 vjeqare ishte goditur nga traktori ku dhe kishte humbur jetën, transmeton Gazeta Metro.

    Ndersa, sot është shtrirë dora pajtimit mes familjës Nishori dhe Vuniqi në Vërshevc.

    E i pranishëm gjatë varrimit të së ndjerës ishte edhe Kryetari Komunës së Lipjanit, Imri Ahmeti.

    Për këtë rast kishte dhënë detaje edhe zëdhënësja e policisë së Kosovës, Flora Ahmeti, sipas së cilës, vajza po drejtonte një biçikletë në momentin kur u godit nga traktori.

    “Rreth orës 19:00 kemi pranuar informatën për një aksident trafiku në fshatin Vërshevc të Lipjanit. Në aksident kanë qenë të përfshira një biçiklete dhe një mjet bujqësor (traktor). Si pasojë e aksidentit lëndime të renda trupore ka pësuar ngasësja e biçikletës (femër 2006). E njëjta është dërguar për tretman mjekësor në QKUK, nga ku jemi njoftuar se rreth ores 20:00, ka ndërruar jetë”, ka theksuar Ahmeti

    Lexo edhe:  Viktimat nxirren nga vendi ku ndodhi vrasja e trefishtë në Prishtinë