Kryenin grabitje me armë, pranga tre shqiptarëve në…

    Policia e Barit ka vënë në pranga 3 shtetas shqiptarë, mbi të cilët rëndojnë akuzat e tentativës për vrasje, grabitjes dhe të vjedhjeve të përsëritura. Sipas hetimeve, të ndaluarit Kristo Shyti, 26 vjeç, Klajdi Hallulli, 28 vjeç dhe Mariglen Myrto, 31 vjeç, kanë kryer në bashkëpunim veprat e lartcituara penale në komplekse vilash të shtetasve italianë.

    Gjatë operacionit për shpërbërjen e kësaj bande kriminale, agjentët e policisë kanë sekuestruar në cilësinë e provës materiale armë, mjete për vjedhje, por edhe një sasi prej një kilogramësh lënde narkotike të llojit marijuanë, që u gjend në banesën e Hallullit./Lapsi.al

    Lexo edhe:  Ia vodhën tufën e flokëve të vajzës, nëna u përgjërohet hajdutëve: Vetëm ato më kishin mbetur prej saj