Ky është qyteti me pagat më të larta në Zvicër, mbi 7800 franga

Pagat në Cyrih kanë qenë 7,820 franga më 2016, niveli më i lartë ndonjëherë.

Shifrat përfaqësojnë të ardhurat mesatare bruto në Cyrih në vitin 2016, kjo do të thotë së gjysma nga të gjithë të punësuarit kanë fituar më pak se kjo shumë dhe gjysma tjetër ka fituar më shumë.

Shifra e vitit 2016 ishte 1.3 për qind më e lartë se ajo e vitit 2014 dhe më e larta ndonjëherë, thuhet në një deklaratë të botuar të mërkurën.

Një në 4 punëtorë ka fituar më shumë se 10.000 franga në muaj dhe pothuajse numri i njëjtë i punëtorëve ka fituar më pak se 6,000 franga në muaj.

Ata të cilët kanë fituar më shumë janë me shkollim të lartë, si mjekët 10,388 franga në muaj, menaxherët 10,538 franga, si dhe ata të cilët punojnë me financat 10,949 franga.

Më pak kanë fituar të huajt në moshën 50-vjeçare, me të ardhura prej 4,658 frangash.

Përderisa rrogat mund të duken të larta, në fakt, banka zvicerane UBS ka publikuar më herët këtë vit se Cyrihu është i pari për çmimet, pastaj vjen Gjeneva.

Shifrat më të fundit të të ardhurave të Cyrihut vijnë nga një rishikim dyvjeçar i kryer nga Zyra Federale e Statistikave Zvicerane, të bazuara në të dhënat nga 213,000 njerëz që punojnë në qytet.

Llogaritjet mujore të të ardhurave bruto përfshinin kontributet e mirëqenies sociale, shpërblimet dhe një pjesë të pagës shtesë 13-mujore të paguar për shumë punëtorë zviceranë.

Lexo edhe:  'Kështu përpunohet mishi i bluar' - video që ka shokuar botën