Miratohet propozimi i Vetëvendosjes për dënim në mungesë të kriminelëve të luftës

    Sot në seancë plenare u miratua nisma ligjore e propozuar nga Lëvizja Vetëvendosje në Kuvendin e Republikës së Kosovës për dënimin në mungesë të kriminelëve që kanë kryer krime në Kosovë gjatë regjimit të Millosheviqit.

    “Në vend se Ministri i Drejtësisë, të dilte në mbështetje të saj, edhe sot hasëm në kundërshtime të pajustifikuara nga ai dhe nga Qeveria. Kjo edhe e vonoi për shumë muaj miratimin e kësaj nisme të domosdoshme”, thuhet në një komunikatë për media nga LVV-ja.

    “Por sot në Kuvend pas shumë përpjekjeve u miratua”, thuhet tutje.

    Lëvizja Vetëvendosje thotë se nga dita e sotme, pasi të nënshkruhet e botohet në Gazetën Zyrtare, prokuroria speciale dhe i gjithë sistemi në Kosovë nuk ka asnjë pengesë apo dhe alibi për të mos vijuar me këto raste pra me hyrjen më fuqi të këtij ndryshimi lejohet hetimi, akuzimi dhe gjykimi në mungesë për kriminelët e luftës.

    Lexo edhe:  Thirrja nga Amerika për politikanët e Kosovës: Ndalojeni Erdoganin