Surroi del kundër Halil Kastratit: Nuk është bamirësi ajo që përcillet me kamera

Publicistja, Flaka Surroi indirekt i ka dhënë goditjen më të rëndë deri më tani humanistit, Halil Kastrati, raporton Gazeta Blic.

Ajo përmes një statusi në Facebook, pa përmendur emra, ka shkruar se kurrfarë bamirësie nuk është ajo e cila përcillet me kamera e komunikata për shtyp.

Ka shkruar se kjo që po bëhet, nuk është asgjë tjetër veçse keqpërdorim i atyre, që për fat të keq, kanë nevojë që dikush t’iu ndihmojë që të mbijetojnë

“Kurrfarë bamirësie nuk është ajo të cilën e përcjellin kamerat dhe kumtesat për shtyp. Është, për më tepër, keqpërdorim i atyre, që për fat të keq, kanë nevojë që dikush t’iu ndihmojë që të mbijetojnë. Nëse bash keni vendosur të ndihmoni, bëjeni qetazi, për ndërgjegje, e jo për reklamë” ka shkruar Surroi.

Ndryshe, gjatë natës së mbrëmshme humanisti, Halil Kastrati bëri të ditur se më 17 shkurt do t’i dhurojë 17 banesa për njerëzit në nevojë.

Lexo edhe:  Poezia prekëse e arsimtari nga Podujeva që të fillojë mësimi: Merruni shpejt vesh, le të bëhet pajtimi, ngase as në luftë nuk është ndalur mësimi